مسجد نبویؐ میں ایک ہفتہ میں 54 لاکھ زائرین کی آمد

مدینہ منورہ: گرم موسم کے باوجود زائرین کی بڑی تعداد سعودی عرب کے شہر مدینہ منورہ میں واقع مسجد نبویؐ کا رخ کر رہی ہے۔

عرب میڈیا کے مطابق گزشتہ ہفتے کے دوران مسجد نبوی میں 54 لاکھ 10 ہزار 89 زائرین کی آمد ہوئی۔اس ایک ہفتہ کے دوران 2 لاکھ 30 ہزار 823 زائرین نے ریاض الجنہ میں نماز ادا کی۔

مدینہ منورہ میں گرمی کی شدت برقرار ہونے کے باعث زائرین میں چھتریوں اور ماسک کا استعمال بڑھ گیا۔

دوسری جانب مسجد نبوی‘ میں آبِ زم زم کی سپلائی بھی بڑھا دی گئی ہے۔مسجد نبوی اور اس کے صحن کے اندر الیکٹرانک گاڑیاں اور وہیل چیئرس بھی موجود ہیں۔