آندھراپردیش کے منگل گری میں 11سالہ لڑکی کی اجتماعی عصمت دری کا واقعہ

حیدرآباد: آندھراپردیش کے منگل گری میں ایک 11 سالہ لڑکی کی اجتماعی عصمت دری کا واقعہ پیش آیا۔

تاخیر سے موصولہ اطلاعات کے مطابق جس وقت لڑکی کے ماں باپ گھر میں موجود نہیں تھے بہلاپھسلاکر نوین اور اس کے ساتھی نے لڑکی کی عصمت دری کی۔

بعدازاں جب لڑکی کے ماں باپ کو اس واقعہ کا علم ہوا اور انہوں نے ملزمین سے اس تعلق سے پوچھا تو انہوں نے متاثرہ کے ماں باپ پر حملہ کردیا اور پولیس سے شکایت پر جان سے مارنے کی دھمکی بھی دی۔

حملہ اور دھمکی پر لڑکی کے گھر والے خوف زدہ ہوگئے تھے اور انہوں نے یہ بات کسی کو نہیں بتائی۔

بعدازاں لڑکی کے ماں باپ جب کام پر گئے تو دو دن بعد ایک اور ملزم نے لڑکی کے ساتھ شرمناک حرکت کی جس کے نتیجہ میں لڑکی کی طبیعت بگڑگئی اور اس کے ماں منگل گری پولیس سے رجوع ہوئے۔

پولیس نے اس سلسلہ میں معاملہ درج کرکے جانچ شروع کردی۔