رسول اکرم ﷺ کی محبت کسی مذہب یا قوم تک محدود نہیں،اداکارہ سوارا بھاسکر نے مداحوں کاد ل جیت لیا
ممبئی میں حالیہ انتخابی مہم کے دوران اپنے شوہر فہد احمد کے ساتھ جلسوں اور ریلیوں میں شرکت کرتے ہوئے سوارا نے کہا کہ نبی کریم ﷺ کے لیے احترام اور محبت دل میں پیدا ہونے کے لیے یہ ضروری نہیں کہ کوئی کس قوم یا مذہب سے تعلق رکھتا ہو۔
ممبئی: بالی ووڈ اداکارہ سوارا بھاسکر نے حالیہ دنوں رسول اکرم ﷺ سے اپنی عقیدت کا اظہار کرتے ہوئے کہا کہ نبی کریم ﷺ کی عزت اور محبت کسی خاص مذہب یا قوم تک محدود نہیں۔
ممبئی میں انتخابی مہم کے دوران اپنے شوہر فہد احمد کے ساتھ جلسوں اور ریلیوں میں شرکت کرتے ہوئے سوارا نے کہا کہ نبی کریم ﷺ کے لیے احترام اور محبت دل میں پیدا ہونے کے لیے یہ ضروری نہیں کہ کوئی کس قوم یا مذہب سے تعلق رکھتا ہو۔
سوارا بھاسکر نے انسٹاگرام پر ایک ویڈیو شیئر کی جس میں انہوں نے اپنی زندگی پر ہونے والی تنقید اور الزامات کا جواب دیا۔ انہوں نے واضح کیا کہ وہ ایک ہندو گھرانے میں پیدا ہوئیں، لیکن ایک مسلم شخص سے شادی کی۔ اپنی شادی پر ہونے والی تنقید پر بات کرتے ہوئے سوارا نے کہا کہ عقیدت اور محبت انسانی جذبات ہیں جو کسی ذات یا مذہب کی قید میں نہیں ہوتے۔
سوارا کی یہ ویڈیو سوشل میڈیا پر خوب وائرل ہو رہی ہے اور مداحوں کی جانب سے اسے سراہا جا رہا ہے۔ یاد رہے کہ سوارا بھاسکر اور ان کے شوہر فہد احمد نے 2023 میں شادی کی تھی۔ جوڑے کی ایک بیٹی بھی ہے، جس کا نام رابعہ رکھا گیا ہے۔
حالیہ دنوں فہد احمد نے مہاراشٹر اسمبلی کے انتخابات میں نیشنلسٹ کانگریس پارٹی کے ٹکٹ پر حصہ لیا، جس دوران سوارا نے انتخابی مہم میں شوہر کو بھرپور سپورٹ کیا اور ان کے لیے جلسوں میں شرکت کی۔
