اساتذہ کی ترقی و تبادلوں کے عمل کا کل سے آغاز

حیدرآباد: ریاست میں 27 جنوری بروز جمعہ سے استاتذہ کی ترقی اور تبادلوں کے عمل کا آغاز ہوگا۔ اس سلسلہ میں آج محکمہ تعلیمات کی جانب سے جی او جاری کیا گیا۔

سکریٹری محکمہ تعلیمات و اکٹی کرونا کی جانب سے جاری کردہ جی او نمبر5 کے تحت ویب کونسلنگ کے ذریعہ تبادلہ اور مانیول طور پر ترقی کے عمل کو پورا کیا جائے گا۔

27 جنوری کو زمروں کے تحت مخلوعہ عہدوں، صدر مدرس کے طور پر ترقی کے اہل اسکول اسسٹنٹس کی سینا ریٹی پر مشتمل فہرست کو آن لائن رکھا جائے گا۔ 28 تا30 جنوری تبادلوں کیلئے آن لائن درخواستوں کو قبول کیا جائے گا۔

درخواستوں کی ہارڈ کاپی، ہائی اسکول میں برسر خدمت اساتذہ متعلقہ پرنسپل کو، گورنمنٹ پرائمری اسکول اور گورنمنٹ اپر پرائمری اسکول کے اساتذہ متعلقہ منڈل ایجوکیشن آفیسر کو، منڈل پریشد پرائمری اسکول، منڈل پریشد اپر پرائمری اسکول کے اساتذہ متعلق کامپلکس ہیڈ ماسٹر، ہائی اسکول ہیڈ ماسٹریا، ڈسٹرکٹ ایجوکیشن آفیسر کو31 جنوری تا2فروری کے درمیان حوالہ کرسکتے ہیں۔