عادل آباد میں درجہ حرارت 42.8ڈگری درج

حیدرآباد: محکمہ موسمیات نے کہا ہے کہ آئندہ چاردنوں کے دوران تلنگانہ کے بعض مقامات پر گرج وچمک کے ساتھ بارش کاامکان ہے۔اپنی رپورٹ میں محکمہ نے کہا کہ آئندہ سات دنوں کے دوران ریاست کے بعض مقامات پر ہلکی تااوسط یا پھرگرج وچمک کے ساتھ بارش کا امکان ہے۔

میڈیا کی اطلاعات کے مطابق گذشتہ 24گھنٹوں کے دوران بھدرادری کوتہ گوڑم ضلع کے بعض مقامات پر ژالہ باری ہوئی۔اسی دوران ریاست کے ایک یا دو مقامات پر بارش ہوئی۔اعظم ترین درجہ حرارت 42.8ڈگری سلسیس ضلع عادل آباد میں درج کیاگیا۔