تلنگانہ کے ضلع آصف آباد میں درجہ حرارت 9.4ڈگری سلسیس درج

حیدرآباد: تلنگانہ میں گذشتہ تین دنوں سے سردی کی شدت میں بتدریج اضافہ ہوتاجارہا ہے۔ شمالی اور وسطی تلنگانہ کے اضلاع میں سردی کا اثر زیادہ ہے۔ اقل ترین درجہ حرارت آصف آباد ضلع میں ریکارڈ کیا گیا۔

آصف آباد کے سرپور (یو) میں گذشتہ شب درجہ حرارت9.4 ڈگری سیلسیس ریکارڈ کیا گیا۔

اس ضلع کے کیرامیری، وانکیڈی۔ تریانی اور آصف آباد منڈلوں میں بازارہتنور، بھیم پور، عادل آباد رورل، نیراڈی گونڈہ اور ماوالا منڈلوں میں سردی کی شدت دیکھی جارہی ہے۔

وسطی تلنگانہ کے ضلع سنگاریڈی میں بھی سردی کی شدت دیکھی جارہی ہے۔ محکمہ موسمیات نے کہا کہ ریاست میں آئندہ تین دنوں تک شدید سردی رہے گی۔

عادل آباد، آصف آباد اور نرمل اضلاع کے بعض منڈلوں میں اقل ترین درجہ حرارت 10 ڈگری سے کم ہونے کی نشاندہی کرتے ہوئے اورنج الرٹ جاری کیاگیا ہے۔