تھپڑ مارنے کے بعد پٹری پر گرنے والے نوجوان کی دردناک موت (ویڈیو)
ممبئی کے ریلوے اسٹیشن پر خاتون سے غلطی سے ٹکرانے والا شخص شوہر کا تھپڑ لگنے سے ٹریک پر گر کر ہلاک ہوگیا۔ جب اس نے واپس اوپر چڑھنے کی کوشش کی تو وہ آنے والی ٹرین کے نیچے کچلا گیا۔
ممبئی: ممبئی کے ریلوے اسٹیشن پر خاتون سے غلطی سے ٹکرانے والا شخص شوہر کا تھپڑ لگنے سے ٹریک پر گر کر ہلاک ہوگیا۔ جب اس نے واپس اوپر چڑھنے کی کوشش کی تو وہ آنے والی ٹرین کے نیچے کچلا گیا۔
سوشل میڈیا پر وائرل ممبئی کے سیون ریلوے اسٹیشن کی سی سی ٹی فوٹیج میں 26 سالہ دنیش دیگرلوگوں کے ساتھ پلیٹ فارم پردیکھا جا سکتا ہے۔
دنیش ایک شخص سے ٹکرانے کے بعد 30 سالہ خاتون شیتل مانے سے ٹکرا گیا۔ خاتون نے چھتری سے پٹائی کی، اس دوران خاتون کا شوہر موقع پر پہنچ گیا۔ تھپڑ مارنے کے بعد دنیش پٹری پر گر گیا۔
ویڈیو میں دکھائی دے رہا ہے کہ دنیش تھپڑ لگنے کے بعد توازن برقرار نہیں رکھ سکا اور ریل کی پٹری پر گرگیا اور ٹرین کے نیچے آ کر کچلا گیا۔
اسٹیشن پر موجود لوگوں اور خاتون نے چھتری لہرا کر ٹرین کو روکنے کی کوشش کی تاہم ناکام رہے اور دنیش ٹرین کے نیچے آگیا۔
پولیس نے مقدمہ درج کر کے دنیش پرتشدد کرنے والے جوڑے کو گرفتار کرلیا۔ پولیس نے بتایا کہ اس کی موقع پر ہی موت ہوگئی۔
