کار الٹنے سے جوڑے سمیت تین افراد زخمی

جے پور: راجستھان کے بارمیر ضلع کے دیہی تھانہ علاقے میں ایک کار بے قابو ہو کر الٹنے سے تین افراد شدید زخمی ہو گئے۔

پولیس کے مطابق گجرات کا ایک کنبہ جمعہ کی رات کار میں رام دیورا کے درشن کرنے کے بعد گجرات واپس آ رہا تھا۔

اس دوران قومی شاہراہ 68 پر بارمیر میڈیکل کالج کے قریب ان کی کار الٹ گئی جس سے دلیپ کمار اور ان کی اہلیہ پنکی سمیت تین افراد زخمی ہو گئے۔

واقعہ کی اطلاع ملنے پر پولیس نے زخمیوں کو 108 ایمبولینس کے ذریعے باڑمیر کے ضلع اسپتال میں داخل کرایا۔ پولیس نے مقدمہ درج کر لیا ہے۔