آندھراپردیش کے ضلع پرکاشم میں شیر کی موجودگی سے سنسنی

حیدرآباد: آندھراپردیش کے ضلع پرکاشم کے مختلف علاقوں میں شیر کی موجودگی سے سنسنی پھیل گئی۔

ضلع کے لکشمی پورم، آیاوری پلی اور نگولاورم کے آس پاس اس جنگلی جانور کی نقل وحرکت کی وجہ سے 3 ماہ سے لوگ خوفزدہ ہیں۔

حال ہی میں، مقامی چرواہوں نے آیاواری پلی پنچایت کے قریب ایک شیر کو گھومتے ہوئے دیکھا۔

مقامی افراد نے کہا کہ محکمہ جنگلات کے اہلکار مناسب اقدامات نہیں کر رہے ہیں اور سرحدی علاقوں کے عوام کو چوکس بھی نہیں کیاگیا ہے۔

محکمہ جنگلات کے عہدیداروں کا ماننا ہے کہ لکشمی پورم اور دیگر علاقوں کو شیروں کے مسکن میں تبدیل کر دیا گیا ہے کیونکہ یہ ایک ایسا علاقہ ہے جہاں خوراک وافر مقدار میں دستیاب ہے۔