بنگلورو میں اوور ہیڈ واٹر ٹینک گرنے سے دو افراد ہلاک

بنگلورو: بنگلورو میں ایک عمارت کی چوتھی منزل سے اوور ہیڈ واٹر ٹینک گرنے سے دو افراد موقع پر ہی ہلاک اور دو زخمی ہوگئے۔

یہ واقعہ بدھ کی دیر رات شیواجی نگر تھانے کی حدود میں پیش آیا۔

دو متاثرین میں سے ایک کی شناخت 40 سالہ ارول کے نام سے ہوئی ہے جب کہ دوسرے کا نام ظاہر نہیں کیا جا سکا ہے۔

پولیس کے مطابق ارول عمارت سے متصل فاسٹ فوڈ کی گاڑی چلاتا تھا۔

جس دیوار پر پانی کا ٹینک رکھا گیا تھا وہ وقت کے ساتھ ساتھ کمزور پڑ چکا تھا۔

ٹینک کے ساتھ ساتھ عمارت میں دیوار کا ایک حصہ بھی گر گیا۔

دو زخمی افراد جن میں سے ایک کی حالت تشویشناک بتائی جاتی ہے، کو ہسپتال منتقل کر دیا گیا ہے۔