تلنگانہ میں موٹر سائیکل اور ٹپر کی ٹکر میں دو افراد کی موت

حیدرآباد: تلنگانہ کے حیدرآباد شہر کے رنگا ریڈی ضلع کے حیات نگر کے کنٹلور میں جمعہ کی علی الصبح ایک موٹرسائیکل کی ٹپر سے ٹکر کے سبب باپ بیٹے کی موت ہوگئی۔

سرکاری ذرائع کے مطابق درناک حادثے میں موٹر سائیکل پوری طرح آگ کی زد میں آگئی اور ٹپر کو جزوی نقصان پہنچا۔

مرنے والوں کی شناخت قطب اللہ پور کے کمار (40) اور اس کے بیٹے پردیپ (13) کے طور پر ہوئی ہے جن کی موقع پر ہی موت ہوگئی۔

پولیس نے بتایا کہ مقدمہ درج کر لیا گیا ہے اور مزید تفتیش جاری ہے۔