یوکرین نے’ترک اسٹریم‘ پر حملہ نہ کرنے پر کیا اتفاق: ہنگری
یہ ملک کے لیے روس کے خلاف پابندیوں میں توسیع پر غور کرنے کی ایک شرط تھی۔
اقوام متحدہ: یوکرین نے یورپی کمیشن کی طرف سے ہنگری کو دی گئی یقین دہانیوں کے تحت روس سے ترکی کو تیل سپلائی کرنے والی قدرتی گیس پائپ لائن ’ترک اسٹریم‘ پر حملہ نہ کرنے کے عزم کا اظہار کیا ہے۔
ہنگری کے وزیر خارجہ پیٹر سیجارٹو نے خبر رساں ایجنسی آر آئی اے نووستی کو یہ اطلاع دی۔ انہوں نے ایک انٹرویو میں کہا کہ ہمیں تین معاملات کے لیے ضمانتوں کی فہرست دی گئی ہے۔
پہلا، یوکرین کو اس کے ذریعے تیل کی سپلائی بند کرنے کی ضرورت نہیں ہوگی، دوسرا، یہ ترک اسٹریم کے بنیادی ڈھانچے پر حملہ نہیں کرے گا اور تیسرا، یوکرین کے راستے گیس ٹرانزٹ کو دوبارہ کھولنے کے بارے میں بہت جلد مذاکرات شروع کیے جائیں گے۔
واضح رہے کہ مسٹر سیجارٹو نے 27 جنوری کو کہا تھا کہ ہنگری نے یورپی کمیشن سے توانائی کی حفاظت کے بارے میں ضروری یقین دہانیاں حاصل کرلی ہیں۔
یہ ملک کے لیے روس کے خلاف پابندیوں میں توسیع پر غور کرنے کی ایک شرط تھی۔
روسی وزارت دفاع نے گزشتہ ماہ کہا تھا کہ 11 جنوری کو یوکرین نے یورپی ممالک کو گیس کی سپلائی روکنے کے لیے نو ڈرونز کا استعمال کرتے ہوئے کراسنودار کے علاقے میں روس کے اناپا کے قریب ترک اسٹریم کمپریسر اسٹیشن پر حملہ کرنے کی کوشش کی تھی۔
