بحیرہ اسود میں روسی جہاز پر یوکرین کا حملہ

کیف: یوکرین کی فوج نے کریمیا کے ساحل کے قریب بحیرہ اسود میں روسی جہاز سیزر کونیکوف پر حملہ کیا ہے۔

یوکرین کی مسلح افواج کے جنرل اسٹاف نے ٹیلی گرام پر مفصل وضاحت کے بغیر کہا کہ یوکرین کی افواج نے مین انٹیلی جنس ڈائریکٹوریٹ کے یونٹوں کے ساتھ مل کر الوپکا شہر کے قریب جہاز پر حملہ کیا۔

یوکرین کی وزارت دفاع کے مین انٹیلی جنس ڈائریکٹوریٹ نے کہا کہ جہاز پر جنگی سمندری ڈرون ’مگورا وی 5‘ سے حملہ کیا گیا۔

یوکرین کے پراودا میڈیا آؤٹ لیٹ نے ذرائع کے حوالے سے بتایا کہ حملے کے بعد جہاز ڈوب گیا۔ روسی فریق نے حملے کی تصدیق نہیں کی ہے۔

سیزر کونیکوف جہاز ساحل سمندر پر اترنے کے لیے ڈیزائن کیا گیا ہے اور یہ 500 ٹن تک سامان لے جا سکتا ہے۔ یہ دیگر ہتھیاروں کے علاوہ اے کے- 725 آٹوکینن اور گریڈ -ایم راکٹ لانچر سے لیس ہے۔