ممبئی میں زیر تعمیر عمارت گر گئی، 2 افراد ہلاک

ممبئی: ممبئی کے مضافاتی علاقے ملاڈ میں جمعرات کو ایک زیر تعمیر عمارت کا ایک حصہ گرنے سے دو مزدوروں کی موت ہو گئی اور دو دیگر شدید زخمی ہو گئے۔

برہن ممبئی میونسپل کارپوریشن (بی ایم سی) کے ایک اہلکار نے بتایا کہ یہ واقعہ رات تقریباً 12:09 بجے ملاڈ ایسٹ کے گووند نگر علاقے میں نوجیون عمارت میں پیش آیا۔ انہوں نے کہا کہ ابتدائی اطلاعات کے مطابق ملاڈ میں زیر تعمیر 20 منزلہ عمارت کی بالائی منزل کے سلیب کا کچھ حصہ گر گیا۔

اس حادثے میں چار مزدور شدید زخمی ہو گئے۔ زخمیوں کو قریبی ایم ڈبلیو ڈیسائی اسپتال لے جایا گیا، جہاں ڈاکٹروں نے دو کو مردہ قرار دیا۔

یواین آئی۔ ـظ ا