مرکزی وزیر امیت شاہ کا دورہ تلنگانہ ملتوی

حیدرآباد: مرکزی وزیر داخلہ امیت شاہ کا دورہ تلنگانہ ملتوی کردیا گیا ہے۔یہ بات ریاستی بی جے پی کے صدر جی کشن ریڈی نے آج یہاں بتائی اور کہا کہ مرکزی وزیر جو کہ ریاست میں بی جے پی کے اجلاس میں شرکت کرنے کیلئے اتوار کو آنے والے تھے اُن کا دورہ ملتوی کردیا گیا ہے۔

 کشن ریڈی نے مزید بتایا ہے کہ  ضروری کام کی وجہ شاہ نے دورہ ملتوی کردیا۔صدر بی جے پی تلنگانہ جی کشن ریڈی نے کہا کہ ناگزیر وجوہات کی بنا پر امیت شاہ کا دورے محبوب نگر، کریم نگر اور حیدرآباد ملتوی کردیا گیا ہے۔

 بتایا جارہا ہے کہ ریاست بہار میں رونما تازہ ترین سیاسی صورتحال کی وجہ سے امیت شاہ کا دورہ تلنگانہ ملتوی کردیا گیا ہے۔ تاہم عنقریب امیت شاہ تلنگانہ کے دورے پر آئیں گے۔