سکندرآباد تا گوا نئی ٹرین کو مرکزی وزیر کشن ریڈی نے جھنڈی دکھائی

حیدرآباد: سکندرآباد سے گوا جانے والے سیاحوں کے لیے ایک نئی ٹرین دستیاب کروائی گئی ہے۔ مرکزی وزیر کشن ریڈی نے سکندرآباد ریلوے اسٹیشن پر اس ٹرین کو ہری جھنڈی دکھا کر روانہ کیا۔

اس ماہ کی 9 تاریخ کو سکندرآباد سے اور 10 تاریخ کو واسکو ڈا گاما سے ٹرین کی باقاعدہ خدمات شروع ہوں گی۔ سکندرآباد۔

واسکوڈاگاما (17039) ٹرین ہر بدھ اور جمعہ کو چلائی جاتی ہے۔ واسکوڈاگاما۔سکندرآباد (17040) ٹرین ہر جمعرات اور ہفتہ کو روانہ ہوتی ہے۔

فی الحال سکندرآباد۔واسکوڈا گاما کے درمیان باقاعدہ سروس (17603) ہے۔ یہ منگل، بدھ، جمعہ اور اتوار کو چلائی جاتی ہے۔ حیدرآباد سے واسکو ڈا گاما کے لیے ایک اور ٹرین (17021) ہے لیکن یہ ہفتے میں صرف ایک دن چلائی جاتی ہے۔

اس میں بھی ٹکٹ ملنا بہت مشکل ہے۔ اس پس منظر میں نئی ٹرین سیاحوں کے سفری مواقع میں اضافہ کرے گی۔اس میں اضافی نشستیں دستیاب ہوں گی۔