امریکی صدر ٹرمپ کی مقبولیت میں بڑی کمی

واشنگٹن: امریکی صدر ڈونلڈ ٹرمپ کی بطور صدر مقبولیت میں بڑی کمی رونما حوی ہے ۔ ایک امریکی نیوز چینل نے ٹرمپ کی کارکردگی کا سروے جاری کیا جس کے مطابق صدر ٹرمپ کی مقبولیت میں بڑی کمی دیکھی گئی ہے۔

سروے کے مطابق ٹرمپ کی کارکردگی کو اکثریت نے مسترد کردیا جبکہ 59 فیصد ٹرمپ کی کارکردگی سے غیر مطمئن رہے۔

اس کے علاوہ مہنگائی پر ٹرمپ کی کارکردگی کو 71 فیصد عوام نے مسترد کیا جبکہ معیشت پر بھی ٹرمپ کو دھچکا لگا ، 66 فیصد عوام نے اپنی ناپسندیدگی ظاہر کی۔

مزید براں خارجہ پالیسی پر ٹرمپ کو 62 فیصد عوام کی مخالفت کا سامنا رہا جبکہ ایران پالیسی پر بھی عوام ٹرمپ سے مطمئن نہیں ہیں اور 64 فیصد نے ایران جنگ کے حوالے سے ٹرمپ کی کارکردگی مسترد کر دی۔

سروے 20 سے 23 مارچ 2026 کے دوران کرایاا کیا گیاتھا۔