تلنگانہ کے ناگرجناساگر پراجکٹ سے پانی چھوڑاگیا

حیدرآباد: تلنگانہ کے ناگرجناساگر پراجکٹ سے پانی چھوڑاگیا۔دریائے کرشناکے آبگیرعلاقوں میں شدیدبارش کے پیش نظراس پراجکٹ کے 26دروازے کھولتے ہوئے پانی کو چھوڑاگیا۔ا س پراجکٹ کی مکمل سطح آب 590فیٹ کے برخلاف586فیٹ درج کی گئی۔

اس پراجکٹ میں 2,32,528کیوزک پانی کا بہاو درج کیاگیا جس کے بعد دولاکھ 38ہزارسے زائد کیوزک پانی چھوڑاگیا۔ناگرجناساگر پراجکٹ کے قریب سیاحوں کی آمد میں اضافہ ہوا ہے جن کو روکنے اور کسی بھی قسم کے ناگہانی واقعہ کو روکنے کیلئے پولیس تعینات کردی گئی ہے۔