کے سی آر کی سالگرہ پر نئے سکریٹریٹ کا افتتاح کیوں؟ بنڈی سنجے کا سوال

حیدرآباد: تلنگانہ بی جے پی کے سربراہ بنڈی سنجے نے سوال کیا کہ وزیراعلیٰ کے چندرشیکھرراؤ اپنی سالگرہ کے موقع پر نئے سکریٹریٹ کا افتتاح کس طرح کریں گے؟

انہوں نے کہا کہ وزیراعلی کے چندرشیکھرراؤ نے نئے سکریٹریٹ کا نام ڈاکٹر بابا صاحب امبیڈکر کے نام پر رکھا ہے تاہم وہ سکریٹریٹ کے قریب زیر تعمیر ان کے مجسمہ کا معائنہ کرنے کے موقف میں بھی نہیں ہیں۔

انہوں نے استفسار کرتے ہوئے کہا کہ وزیراعلیٰ کو کس نے حق دیا کہ وہ اپنی سالگرہ پر نئے سکریٹریٹ کا افتتاح کریں؟

سکریٹریٹ وزیراعلیٰ کی جائیداد نہیں ہے بلکہ یہ تمام لوگوں کی ملکیت ہے۔

انہوں نے بی آرامبیڈکر کے یوم پیدائش کے بجائے خود اپنی سالگرہ کے موقع پر اس سکریٹریٹ کے افتتاح کی تجویز پر سوال اٹھایا۔

انہوں نے کہاکہ وزیراعلیٰ کو اس بات کا جواب ریاست کے عوام کو دینا پڑے گا۔