خواتین ریزرویشن، اوبی سی کوٹہ فراہم نہیں کیاگیا:کویتا

حیدرآباد: تلنگانہ کی حکمران جماعت بی آرایس کی ایم ایل سی کے کویتا نے کہا ہے کہ امبیڈکر خواتین کے حقوق کے لیے کھڑے ہوئے تھے۔

کویتا نے لندن میں امبیڈکر میوزیم کا دورہ کیا۔انہوں نے کہا کہ امبیڈکر کے جذبہ کے ساتھ خواتین کو ریزرویشن کی فراہمی کو یقینی بنایاجارہا ہے اور ہم آنے والے دنوں میں پارلیمنٹ میں 181 خواتین کو دیکھنے جا رہے ہیں۔

کویتا نے مرکزی حکومت پر خواتین ریزرویشن بل کے معاملے میں شفاف طریقے سے کام نہ کرنے کا الزام لگایا۔ انہوں نے کہا کہ خواتین کے ریزرویشن میں او بی سی کوٹہ فراہم نہیں کیا گیا۔

اس سلسلہ میں لڑائی جاری رہے گی۔ انہوں نے کہا کہ خواتین کئی ممالک میں ووٹ کے حق کے لیے لڑ رہی ہیں، لیکن امبیڈکر اور نہرو جیسے دور اندیش لیڈروں کی وجہ سے ہمارے ملک میں آئین کے نافذ ہونے کے بعد سے خواتین کو ووٹ کا حق حاصل ہے۔

کویتا نے وضاحت کی کہ وزیراعلی کے چندرشیکھرراو امبیڈکر کی تحریک سے متاثر ہوکر ریاست میں کئی اسکیموں کو نافذ کررہے ہیں۔