بیوی کی ہراسانی سے پریشان شوہر نے زہر کھاکر خودکشی کرلی

بھنڈ: مدھیہ پردیش کے بھنڈ ضلع میں ذہنی ہراسانی سے پریشان ہوکر ایک شخص نے زہر کھا کر خود کشی کر لی۔ پولیس ذرائع نے بتایا کہ کوتوالی تھانہ علاقہ کے کشواہا کالونی کے رہائشی تحصیل ورمانے بیوی اور سسرال والوں سے پریشان ہوکر 29مارچ کو زہر کھا لیا تھا۔

 سنگین حالت میں اسے بہتر علاج کے لئے گوالیار لے جا رہا تھا، بیچ راستے میں اس کی موت ہو گئی۔ تحصیل دار ورما نے زہر کھانے کے بعد موبائل فون سے خود کشی کرنے کی وجہ ریکارڈنگ کی تھی۔

اس معاملے کی ویڈیو ریکارڈنگ سوشل میڈیا پر وائرل ہو رہی ہے۔ تحصیل دار ورما نے زہرکھاکر اپنی زندگی ختم کرنے سے کچھ منٹ پہلے ایک ویڈیو ریکارڈنگ کی تھی۔ جس میں اس نے اپنی بیوی اور سسرال والوں کی طرف سے پریشان کئے جانے کا الزام لگایا ہے۔ پولیس نے پوسٹ مارٹم کراکے لاش لواحقین کے حوالے کر کے معاملے کی جانچ شروع کر دی ہے۔