تیراکی کے دوران سر کے کیچڑمیں پھنس جانے کے نتیجہ میں نوجوان کی موت

حیدرآباد: تیراکی کے دوران سر کے کیچڑمیں پھنس جانے کے نتیجہ میں نوجوان کی موت ہوگئی۔یہ واقعہ تلنگانہ کے ضلع رنگاریڈی کے گودھوایراولی گاوں میں پیش آیا۔اس نوجوان جس کی شناخت رام کرشنا کے طور پر کی گئی ہے، گرمیوں کی چھٹیوں میں اپنے دوستوں کے ساتھ تیراکی کرنے جاتا تھا۔

مقامی افرادنے بتایا کہ جب وہ کنویں میں تیرنے گیا تو اس کا سر کیچڑ میں پھنس گیا اور وہ اوپر نہ آسکا جس کی وجہ سے اس کی موت ہوگئی۔

انہوں نے بتایا کہ جب دوستوں نے اس کے گھر والوں کو اطلاع دی تو کنویں میں اس کی لاش نہیں ملی۔بعد ازاں ماہرتیراکوں کی مدد سے اس کی لاش کو کیچڑ سے نکالنے میں کامیابی حاصل کی گئی۔