باپ کے بجائے دوسرے کی طرف لڑکی کی نسبت

سوال:- میری سالی صاحبہ کی لڑکی اپنے شوہر کے گاؤں سے ایک غریب لڑکی کو بالکل کم عمری میں حیدرآباد لے کر آئیں ، وہ لڑکی اب مستقل ان ہی کے زیر پرورش ہے ، اس لڑکی کا اپنے ماں باپ کے پاس آنا جانا بند ہے ،

وہ لوگ اس لڑکی کو اپنی اولاد کی طرح پالے ہیں ، ماشاء اللہ وہ بالغ ہوچکی ہے ، اس لڑکی کو میں اپنی بہو بنانا چاہتا ہوں ، بات بھی پکی ہوچکی ہے ؛

لیکن تھوڑے دن پہلے اس لڑکی کا آدھار کارڈ دیکھنے میں آیا ، جس پر اس کے والد کی جگہ میری سالی کے مرحوم شوہر کا نام لکھا ہے ، کیا دوسروں کی لڑکی کو اپنے شوہر کا نام دینا شریعت اس کی اجازت دیتی ہے ، صراحت فرمائیں ۔ (وجیہ الدین، پٹیل مارکیٹ)

جواب :- دوسرے کی لڑکی کے نام کے ساتھ ولدیت کے طور پر اپنے نام لکھادینا جائز نہیں ، اللہ تعالیٰ نے اس سے منع فرمایا ہے ،

اگر نام کی تبدیلی ممکن ہو اور قانونی طورپر اس میں رکاوٹ نہ ہو تو والد کا نام تبدیل کرادینا چاہئے ،

اگر قانونی طورپر یہ ممکن نہ ہوتو کم سے کم گھر میں اس کی نسبت اس دوسرے شخص کی طرف نہیں کرنی چاہئے ،

اسی طرح نکاح کے وقت زبانی ایجاب و قبول میں اصل والد کا نام لینا چاہئے ، تاہم اس غلط انتساب کی وجہ سے اس سے نکاح کرنے میں کوئی حرج نہیں ، آپ اس لڑکی کو اپنی بہو بناسکتے ہیں ۔