بھٹی وکرامارکہ نے دعوت افطار کے انتظامات کا جائزہ لیا

حیدرآباد: ڈپٹی چیف منسٹر بھٹی وکرامارکہ اورمشیر حکومت تلنگانہ محمد علی شبیر نے آج شام ایل بی اسٹیڈیم (فتح میدان) پہنچ کر چیف منسٹر کی دعوت افطار کے ضمن میں کئے جارہے انتظامات کا جائزہ لیا۔

یہ دعوت افطار 15 مارچ کو مقرر ہے۔ ان کے ہمراہ سکریٹری چیف منسٹردفتر شاہ نواز قاسم، سکریٹری محکمہ اقلیتی بہبود، سید عمر جلیل،ڈائرکٹر وکمشنر محکمہ اقلیتی، بہبود تفسیر اقبال، چیر مین وقف بورڈ سیدعظمت اللہ حسینی،

چیرمین حج کمیٹی مولانا خسروپاشاہ، چیرمین اردو اکیڈیمی طاہر بن ہمدان، ڈائرکٹر دائرۃ المعارف پروفیسرایس اے شکور، سی ای او وقف بورڈ خواجہ معین الدین کانگریس اقلیتی قائدین فیروخان، عثمان محمد خان،

سمیر والی اللہ اور دیگر قائدین موجود تھے۔ ڈپٹی چیف منسٹر بھٹی وکرامارکہ نے عہدیداروں کو ہدایت دی کہ وہ دعوت افطار کیلئے وسیع تر انتظامات کریں۔

محمد علی شبیر نے بتایا کہ دعوت افطار میں ممتاز علمائے اکرام، مختلف جماعتوں کے مسلم قائدین، دانشوروں، سیاسی قائدین اور عامتہ المسلمین کی کثیر تعداد شرکت کریں گے۔