پادری نے ہندو خاتون کے گلے میں موجود مقدس دھاگوں کوکاٹ دیا، ویڈیو وائرل

حیدرآباد: آندھراپردیش میں ایک پادری کی جانب سے ایک ہندوخاتون کے گلے میں موجود مقدس دھاگوں کوکاٹنے کاایک ویڈیو سوشل میڈیا کے مختلف پلاٹ فارمس پر وائرل ہوگیا۔

مذہب تبدیل کرنے کی حوصلہ افزائی کرنے والے اس ویڈیونے دیگر برادری کے لوگوں کومشتعل کردیا۔کئی صارفین نے خاتون کے گلے میں موجودمقدس دھاگوں کوکاٹنے کے عمل پر برہمی کا اظہار کیا اور کہاکہ اس ویڈیو سے ہندوؤں کے جذبات مجروح ہوئے ہیں۔

ویڈیومیں دکھائی دینے والے پادری کی شناخت ملکارجن راؤ کے طورپرکی گئی۔ اس ویڈیوکوگارڈز وئے مشن یوٹیوب چیانل پر بڑے پیما پر شیئر کیاہے۔اس ویڈیو میں کارمیں بیٹھے پادری کو کار کی کھڑکی سے جھانکنے والی ایک خاتون سے بات چیت کرتے ہوئے بھی دیکھا جاسکتا ہے۔

خاتون سے بات کرتے ہوئے پادری کویہ کہتے ہوئے بھی سنا جاسکتا ہے کہ وہ (خاتون) اپنے مذہبی عقائد ورسومات کوترک کرتے ہوئے یسوع مسیج پر یقین کرنا شروع کردے۔

پادری کوخاتون کے گلے میں موجودمقدس دھاگوں کو کاٹتے ہوئے بھی دیکھاجاسکتا ہے اس خاتون کو اس کے مذہبی عقائد کی بنیادپر دھاگے پہنائے گئے تھے۔