وویکا نندا ریڈی قتل کیس، اصل ملزم گنگی ریڈی کی ضمانت منسوخ

حیدرآباد: تلنگانہ ہائی کورٹ نے جمعرات کے روز اے پی کے سابق وزیر وائی ایس وویکا نندا ریڈی قتل کیس کے کلیدی ملزم ایرا گنگی ریڈی کی ضمانت منسوخ کردی ہے۔

عدالت نے ملزم گنگی ریڈی کو حکم دیا ہے کہ وہ 5مئی سے قبل خود کو سی بی آئی کے حوالہ کردیں۔ عدالت نے واضح کردیا کہ اگر ملزم خودسپردگی میں ناکام رہتا ہے تو سی بی آئی اسے گرفتار کرسکتی ہے۔

فیصلہ میں کہا کہ چونکہ سی بی آئی 30جون سے قبل اس کی سماعت مکمل کرنی ہے وہ یکم جولائی کو1.50 لاکھ روپے کے شخصی مچلکہ پر گنگی ریڈی کو ضمانت پر رہا کرسکتی ہے۔

سپریم کورٹ نے حالیہ دنوں سی بی آئی کو اس کیس کی تحقیقات مکمل کرنے کی 30 جون تک مہلت دی ہے۔

سی بی آئی نے گنگی ریڈی کی ضمانت اس لئے منسوخ کرنے پر زور دیا تھا کہ ریڈی، اس سنسنی خیز قتل کا اصل ملزم ہے اور وہ اس کیس کے گواہوں پر اثر انداز ہونے کی کوشش کرسکتا ہے۔