پاکستانی ٹیم سیمی فائنل میں کیسے پہنچ سکتی ہے؟

سڈنی: ٹی20 ورلڈکپ میں گروپ بی کے اہم میچ میں پاکستان نے جنوبی افریقہ کو 33 رنز سے شکست دیکر سیمی فائنل تک رسائی کے امکانات کو برقرار رکھاہے۔

پاکستانی ٹیم کی جنوبی افریقہ کے خلاف فتح نے اس بات پر مہر لگادی ہے کہ گروپ 2 سے دونوں سیمی فائنلسٹ ٹیموں کا فیصلہ تمام ٹیموں کے آخری میچ کھیلے جانے کے بعد ہی ہوگا۔

ہندوستانی ٹیم اس وقت گروپ میں 6 پوائنٹس کے ساتھ پہلی پوزیشن پر موجود ہے تاہم زمبابوے کے خلاف میچ میں جیت انہیں سیمی فائنل میں لے جائے گی البتہ شکست پر انہیں رن ریٹ کا سہارا لینا پڑے گا۔

اسی طرح جنوبی افریقہ 5 پوائنٹس کے ساتھ دوسرے نمبر پر ہے۔ سیمی فائنل میں پہنچنے کیلئے اسے نیدرلینڈز کے خلاف لازمی فتح درکار ہوگی۔ نیدرلینڈز کے ہاتھوں پروٹیز کو اپ سیٹ شکست ہوئی تو پاکستان اور بنگلا دیش کے درمیان میچ میں جو بھی فاتح ہوا اس کیلئے سیمی فائنل کی راہ ہموار ہوجائے گی۔

پاکستان کی سیمی فائنل میں رسائی بنگلادیش کے خلاف کامیابی کے ساتھ ساتھ ہندوستان اور جنوبی افریقہ کی شکست پر بھی ہے۔ نیدرلینڈز اگر جنوبی افریقہ کو شکست دے اور پاکستان بنگلا دیش سے جیت جائے تو اس کے پوائنٹس 6 ہوجائیں گے اور وہ جنوبی افریقہ سے آگے نکل جائے گا اور سیمی فائنل میں پہنچ جائے گا۔

اگر ہندوستان اور جنوبی افریقہ دونوں ہی اپنے آخری میاچس ہارگئے تو بابر الیون نہ صرف سیمی فائنل کیلئے کوالیفائی کرجائے گی بلکہ گروپ میں ٹاپ بھی کرسکتی ہے تاہم یہ بہت مشکل ہے۔

دوسری جانب ٹیم انڈیا زمبابوے اور جنوبی افریقہ نیدر لینڈز کو شکست دیتے ہیں تو پاکستان ایونٹ سے باہر ہوجائے گا۔ واصح رہے کہ پاکستان کو ہندوستان اور زمبابوے کے خلاف شکست ہوئی جبکہ اس نے نیدرلینڈز اور جنوبی افریقہ کو ہرادیا۔