تلنگانہ

وزیراعلی چندرشیکھرراو اب بھی بعض کانگریس لیڈروں سے رابطے میں:شیوکمار

کرناٹک کے نائب وزیر اعلیٰ ڈی کے شیوکمار نے یقین ظاہر کیا کہ تلنگانہ میں کانگریس کامیاب ہوگی۔ انہوں نے کہا کہ انہیں ایم ایل اے کے تحفظ کے لیے ریزارٹ کی سیاست کی ضرورت نہیں ہے۔

حیدرآباد: کرناٹک کے نائب وزیر اعلیٰ ڈی کے شیوکمار نے یقین ظاہر کیا کہ تلنگانہ میں کانگریس کامیاب ہوگی۔ انہوں نے کہا کہ انہیں ایم ایل اے کے تحفظ کے لیے ریزارٹ کی سیاست کی ضرورت نہیں ہے۔

متعلقہ خبریں
کانگریس کچرا پارٹی:کے ٹی آر
حیدرآباد: "اجالوں کے شجر” کی رسمِ اجرا، خادم رسول عینی کی نعتیہ شاعری کو خراجِ تحسین
محبوب نگر: اقلیتی تعلیم یافتہ نوجوانوں کے لیے چار ماہہ مفت فاؤنڈیشن کورس کی آخری تاریخ میں توسیع
تلنگانہ انتخابات: ووٹ دینے کے لیے آنے والے دو افراد کی موت
محبوب نگر: المدینہ کالج میں ایک اور انجینئرنگ کالج کا اضافہ، حکومت تلنگانہ کی منظوری

انہوں نے کہا کہ کانگریس ایم ایل ایز کو کوئی نہیں خرید سکتا۔ ان کے لیڈروں پر انہیں بھروسہ ہے۔ ان کی پارٹی کے تمام قومی اور ریاستی لیڈران اس معاملے میں بہت پراعتماد ہیں۔ڈی کے شیوکمار نے کہا کہ انہیں اطلاع ملی ہے کہ تلنگانہ کے وزیراعلی کے چندرشیکھرراو اب بھی بعض کانگریس لیڈروں سے رابطے میں ہیں۔

انہوں نے دوٹوک انداز میں واضح کیاکہ عوام تبدیلی چاہتے ہیں،انہیں امید ہے کہ کانگریس اقتدار میں آئے گی۔ کانگریس قیادت نے تلنگانہ کے انتخابی نتائج کی نگرانی کی ذمہ داری شیوکمار کو سونپی ہے۔

ریاست میں معلق اسمبلی کی صورت میں امیدواروں کو بنگلور کیمپ میں لے جانے کے انتظامات کئے جائیں گے۔ یہ تمام انتظامات ڈی کے شیوکمار کی نگرانی میں کئے جائیں گے۔