لبنان میں اسرائیلی حملوں میں فوجی اعلیٰ افسران سمیت 12 افراد ہلاک
یہ حملہ دونوں ممالک کے درمیان امریکہ کی ثالثی میں ہونے والی مشروط جنگ بندی پر اتفاق رائے کے کچھ ہی دنوں بعد ہوا ہے۔ لبنانی فوج نے بتایا کہ خردالی-نباتیہ روڈ پر ایک فوجی گاڑی پر ہونے والے اسرائیلی حملے میں ایک بریگیڈیئر جنرل، ایک کیپٹن اور ایک سپاہی کی موت ہو گئی۔
بیروت: جنوبی لبنان میں ہوئے اسرائیلی حملوں میں فوج کے اعلیٰ افسران سمیت کم از کم 12 افراد ہلاک ہو گئے ہیں۔
یہ حملہ دونوں ممالک کے درمیان امریکہ کی ثالثی میں ہونے والی مشروط جنگ بندی پر اتفاق رائے کے کچھ ہی دنوں بعد ہوا ہے۔ لبنانی فوج نے بتایا کہ خردالی-نباتیہ روڈ پر ایک فوجی گاڑی پر ہونے والے اسرائیلی حملے میں ایک بریگیڈیئر جنرل، ایک کیپٹن اور ایک سپاہی کی موت ہو گئی۔
دوسری جانب اسرائیلی فوج نے کہا کہ ہفتہ کا حملہ ایک ‘فعال جنگی علاقے’ میں ہوا تھا۔ فوج نے یہ بھی کہا کہ ‘اس واقعہ کی تحقیقات کی جا رہی ہیں۔’ لبنانی فوج نے کہا، "جان بوجھ کر اور بار بار کیے جانے والے سفاکانہ اسرائیلی جارحیت کا جاری رہنا، حل تک پہنچنے کی تمام کوششوں کو ناکام بنانے کے مقصد سے ہے۔”
لبنان کے صدر جوزف عون نے اس حملے کی مذمت کرتے ہوئے اسے ‘لبنانی خودمختاری اور بین الاقوامی قوانین و معیارات کی سنگین خلاف ورزی’ قرار دیا۔ لبنان کے وزیراعظم نواف سلام نے اسے ‘گھنونی واردات اور تمام لبنانیوں پر حملہ’ قرار دیا۔
مسٹر سلام نے حملے میں ہلاک ہونے والے بریگیڈیئر جنرل وسام صبرا، کیپٹن ایلی خوری اور سپاہی حسین گوزال کے اہل خانہ اور رفقاء کے ساتھ ساتھ لبنانی فوج سے تعزیت کا اظہار کیا۔
