محبوب آباد ضلع میں 16 طلبا کورونا سے متاثر

حیدرآباد: تلنگانہ کے محبوب آباد ضلع کے گارلا منڈل میں بنجارہ سیوا سمیتی اسکول میں 16 طلباء اور چار اساتذہ کورونا سے متاثر ہوگئے۔ کھانسی اور زکام جیسی علامات پر بعض طلباء کے طبی معائنے کیے گئے جس میں وہ کورونا سے مثبت پائے گئے۔

انہیں اسی اسکول کی بالائی منزل پر قرنطینہ میں رکھ کر ان کا علاج کیا جارہا ہے۔ ہاسٹل میں مزید 50 افراد کو نگرانی میں رکھا گیا ہے۔ کووڈ سے متاثرہ افراد کو کٹس دی گئی ہیں۔

دوسری طرف نرمل ضلع کے بسارا آر جی یو کے ٹی میں ایک ٹیچر اور اس کے خاندان کے دو افراد کورونا وائرس سے متاثر ہوئے ہیں۔ چونکہ ان میں ہلکی علامات تھیں، ان کا مقامی پی ایچ سی میں معائنہ کیا گیا۔ ڈاکٹروں نے بتایا کہ ان کی صحت اب مستحکم ہے۔