لبنان پر اسرائیلی فضائی حملے میں 23 شہید، 65 زخمی

بیروت: جنوبی لبنان کے کئی علاقوں پر ہفتے کے روز اسرائیلی فضائی حملوں میں کم از کم 23 افراد شہید اور 65 دیگر زخمی ہو گئے۔ لبنانی فوجی ذرائع نے یہ اطلاع دی۔

فوجی ذرائع نے نام ظاہر نہ کرنے کی شرط پر بتایا کہ اسرائیلی جنگی طیاروں اور ڈرونز نے دوپہر کے وقت جنوبی لبنان کے تقریباً 45 دیہاتوں اور قصبوں کو نشانہ بناتے ہوئے تقریباً 90 حملے کیے۔

ذرائع نے بتایا کہ حملوں میں کئی کلینک اور شہری دفاع کے مراکز کو بھی نشانہ بنایا گیا، جس میں 12 افراد ہلاک اور 15 دیگر زخمی ہوئے، جن میں زیادہ تر ڈاکٹر، پیرا میڈیکس، نرسز اور فائر فائٹرز تھے۔