آندھراپردیش

اے پی:ضلع کرنول میں لاٹھیوں کی روایتی لڑائی۔تقریبا100افرادزخمی

آندھراپردیش کے کرنول ضلع میں جاریہ سال روایتی لاٹھیوں کی لڑائی میں تشدد کی کوئی کمی نہیں آئی ہے۔ بنی اتسو میں پہلے سے کہیں زیادہ جوش و خروش سے ہزاروں افرادنے شرکت کی۔

حیدرآباد: آندھراپردیش کے کرنول ضلع میں جاریہ سال روایتی لاٹھیوں کی لڑائی میں تشدد کی کوئی کمی نہیں آئی ہے۔ بنی اتسو میں پہلے سے کہیں زیادہ جوش و خروش سے ہزاروں افرادنے شرکت کی۔

متعلقہ خبریں
جمعیۃ علماء کی فطرت دنیوی طاقت سے خوفزدہ ہونے کی نہیں: حافظ پیر خلیق احمد صابر
تلنگانہ حکومت کھیلوں کے فروغ کے لیے پرعزم: محمد فہیم الدین قریشی
سلسلہ چشتیہ پر چار روزہ قومی سمینارپر ایک رپوٹش
چنچل گوڑہ جونیر کالج لکچررس کا جی بی ایچ ایس مغل پورہ 2 کا دورہ’ طلبہ سے ملاقات
شعبان کی پندرہویں شب میں اللہ تعالیٰ تمام مخلوق کی طرف متوجہ ہوتا ہے اور اپنی ساری ہی مخلوق کی مغفرت فرما دیتا ہے: مولانا حافظ پیر شبیر احمد

پولیس کی جانب سے اس لڑائی کو روکنے کے لیے اقدامات کئے گئے تھے تاہم اس کے باوجود یہ لڑائی منعقد کی گئی۔ ضلع کے دیورگُٹہ میں لاٹھیوں کی لڑائی میں تقریبا 100 افراد زخمی ہوئے جن میں تین کی حالت نازک بتائی جاتی ہے۔

ایک شخص جو یہ لڑائی دیکھنے کیلئے درخت پر بیٹھا تھا، ا س کی شاخ کے ٹوٹ جانے کے نتیجہ میں درخت سے گرکرہلاک ہوگیا۔ ہر سال دسہرہ کے موقع پر لاٹھیوں کی روایتی لڑائی ہوتی ہے جس میں ہزاروں افراد شرکت کرتے ہوئے ایک دوسرے پر لاٹھیوں سے حملہ کرتے ہیں۔

اس میں کئی افراد ہر سال زخمی ہوتے ہیں۔ لاٹھیوں کی لڑائی کی تقریب مندر کے قریب ہر سال منعقد کی جاتی ہے۔اس کو بنی فیسٹیول کہا جاتا ہے۔

کئی صدیوں سے اس لاٹھیوں کی لڑائی کی روایت اس علاقہ میں چلی آرہی ہے۔اس پر پابندی کے قواعد کو نظرانداز کرتے ہوئے اس کا اہتمام جاریہ سال کیاگیا۔کرنول کے دیورگُٹہ میں جاترا کے موقع پر یہ لاٹھیوں کی لڑائی منعقد کی جاتی ہے۔