چیف منسٹر کیخلاف توہین آمیز تبصرہ کرنے والوں کے خلاف سخت کاروائی کا اشارہ
وزیر بلدی نظم نسق و شہری ترقیات کے ٹی آر نے ٹوئٹ کرتے ہوئے کہا کہ بی جے پی اقتدار والی ریاست کرناٹک میں توہین آمیز ریمارکس پر14دن جیل کی سزا ہے۔ مگر ہم تلنگانہ چیف منسٹر، وزراء اور ارکان مقننہ کے خلاف راست اور انتہائی خوفناک توہین آمیز تبصرہ کو برداشت کرتے آرہے ہیں۔
حیدرآباد: حکمراں جماعت بی آر ایس کے کارگذار صدر کے ٹی راما راؤ نے چہارشنبہ کے روز تلنگانہ کے چیف منسٹر کے چندر شیکھر راؤ کے خلاف تضحیک آمیز تبصرے کرنے والوں کے خلاف سخت کارروائی کا اشارہ دیا ہے۔
ریاستی وزیر بلدی نظم نسق و شہری ترقیات کے ٹی آر نے ٹوئٹ کرتے ہوئے کہا کہ بی جے پی اقتدار والی ریاست کرناٹک میں توہین آمیز ریمارکس پر14دن جیل کی سزا ہے۔ مگر ہم تلنگانہ چیف منسٹر، وزراء اور ارکان مقننہ کے خلاف راست اور انتہائی خوفناک توہین آمیز تبصرہ کو برداشت کرتے آرہے ہیں۔
In BJP ruled Karnataka
— KTR (@KTRBRS) March 22, 202314 days jail for an ‘offensive’ tweet
In Telangana, we’ve been tolerating direct & horrible insults to our CM, Ministers and Legislators
May be we need to give them back in same coin, what say people?
Right to Freedom of expression is not Right to… https://t.co/97UltAAdj5
انہوں نے عوام سے پوچھا کہ آیا ہمیں بھی اُسی انداز میں جواب دینے کی ضرورت ہے؟ کنڑا فلم کے ایک اداکار چیتن کے غیر شائستہ ٹوئٹ کے حوالہ سے کے ٹی آر نے ٹوئٹر پر یہ بات کہی۔ یوٹیوبر چنتا پنڈو نوین کمار عرف تین مارملنا کی گرفتاری کے فوری بعد کے ٹی آر کا یہ تبصرہ سامنے آیا ہے۔
تین مارملنا نے چیف منسٹر اور ان کے افرادخاندان کے خلاف شرمناک اور توہین آمیز تبصرہ کیاتھا جس پر کاروائی کرتے ہوئے پولیس نے انہیں گرفتار کرلیا ہے۔
تین مارملنا کو ان کے یوٹیوب چیانل کیو نیوز کے دفتر سے جو شہر کے مضافاتی مقام پیر زادی گوڑہ میں واقع ہے۔ منگل کی شب گرفتار کرلیا گیا۔ بی آر ایس کے حامیوں نے پولیس میں شکایت درج کرائی تھی کہ تین مار ملنا نے اپنے چیانل میں چیف منسٹر، کے ٹی آر اور کویتا کے خلاف توہین آمیز تبصرہ کیاتھا۔
