دہلی میں بی آر ایس کے مرکزی دفتر کا جلد افتتاح

حیدرآباد: صدر بی آر ایس و چیف منسٹر تلنگانہ کے چندر شیکھر راؤ‘ 4 مئی کو دہلی کے پاش علاقہ وسنت وہار میں تعمیر کردہ بی آر ایس کے قومی دفتر کا افتتاح کریں گے۔

یہاں اس بات کا بھی تذکرہ ضروری ہے کہ گذشتہ دنوں ریاستی وزیربی آر ایس کے دفتر کے تعمیراتی کاموں کا معائنہ کیاتھا۔ دہلی میں بی آر ایس دفتر کے تعمیراتی کاموں کا معائنہ کیاتھا۔

دہلی میں بی آر ایس دفتر کے تعمیراتی کام تقریباً مکمل ہو چکے ہیں۔ 3 منزلہ عمارت پر مشتمل بی آر ایس دفتر کو عصری سہولتوں سے آراستہ کیاگیا ہے۔

دفتر میں صدر پارٹی کا خصوصی چیمبر‘ ایک لائبریری دوکانفرنس ہال‘ پارٹی قائدین کے لئے الگ الگ رومس تعمیر کئے گئے ہیں۔

پارٹی ذرائع کے مطابق پارٹی دفتر کی افتتاحی تقریب میں صدر عام آدمی پارٹی اروند کجریوال‘ چیف منسٹر پنجاب بھگونت سنگھ مان‘ سابق چیف منسٹر اترپردیش اکھلیش یادو‘ سابق چیف منسٹر مہاراشٹرا اودھوٹھاکرے کو مدعو کئے جانے کا امکان ہے۔