آوارہ کتوں کا حملہ، لڑکا شدید زخمی

حیدرآباد: گریٹر حیدرآباد کے حدود کے میرپیٹ کے ڈویژن 45 میں آوارہ کتوں کے حملہ میں ایک لڑکا شدید زخمی ہوگیا۔اس کو علاج کے لئے فوری طورپر اسپتال منتقل کیاگیا۔ کیشوریڈی کمیٹی ہال کے قریب یہ لڑکا جارہا تھا کہ آوارہ کتوں نے اس پر حملہ کردیا۔

بچے کی چیخ و پکار سن کر والدین گھر سے باہر نکلے جنہوں نے آوارہ کتوں سے اس بچے کو بچایا اور فوری طورپر 108ایمبولنس کے ذریعہ لڑکے کو علاج کے لئے اسپتال منتقل کیا۔

حالیہ دنوں کے دوران حیدرآباد میں آوارہ کتوں کے حملہ کے واقعات میں اضافہ ہوتاجارہا ہے۔یہ کتے رات کو موٹرسائیکلوں کا پیچھا کرتے ہیں اور موٹرسائیکل سواروں کودہشت زدہ کرتے ہیں۔