شہر حیدرآباد میں الکٹرانکس شوروم میں بڑے پیمانہ پر آگ لگ گئی

حیدرآباد: پرانا شہرحیدرآباد کے علاقہ شاہ علی بنڈہ میں واقع الکٹرانکس شوروم میں بڑے پیمانہ پرآگ لگ گئی۔

کل شب پیش آئے اس واقعہ میں کسی کے جھلسنے یا پھر کسی کی موت کی کوئی اطلاع نہیں ہے۔آگ کے ساتھ کثیف دھویں کے بادل بھی نظرآرہے تھے۔

آگ اتنی شدیدتھی کہ 6فائرانجنوں کے30 عہدیداروں نے کافی جدوجہد کے بعد اس پر قابو پایا۔

مقامی افراد کے مطابق آگ تیزی کے ساتھ پھیلتی چلی گئی جس نے شوروم کے سکنڈ اور تھرڈ فلور کو اپنی لپیٹ میں لے لیا۔

فائربریگیڈ کے عہدیداروں نے کہا کہ تقریبا تین گھنٹوں کی جدوجہد کے بعد آگ پر قابو پانے میں کامیابی حاصل کی گئی۔آگ لگنے کی وجہ معلوم نہ ہوسکی۔