تلنگانہ کے باسرریلوے اسٹیشن میں عاشق اورمعشوقہ نے ٹرین کے سامنے کود کرخودکشی کرلی

حیدرآباد: تلنگانہ کے ضلع نرمل کے باسرریلوے اسٹیشن میں عاشق اورمعشوقہ نے ٹرین کے سامنے کود کرخودکشی کرلی۔

یہ واقعہ کل شب تقریبا دس بجے پیش آیا۔ان افرادنے پلیٹ فارم سے ناگرسرسول ایکسپریس ٹرین کے سامنے چھلانگ لگادی۔ مقامی افراد کی اطلاع کے ساتھ ہی ریلوے پولیس وہاں پہنچ گئی جس نے صورتحال کا جائزہ لیا۔

پولیس نے لڑکی کے گلے میں موجود شناختی کارڈ کے ذریعہ اس کی شناخت نظام آباد ضلع کے ایک پرائیویٹ کالج کی ڈگری کی طالبہ نشیتا کے طورپر کی گئی ہے۔

لڑکے کے پاس کسی بھی قسم کا شناختی کارڈ نہیں ملا تاہم پولیس اس کی بھی شناخت کی کوشش کررہی ہے تاکہ اس کے افراد خاندان کو اس واقعہ کی اطلاع دی جاسکے۔

پولیس نے لاشوں کوپوسٹ مارٹم کے لئے اسپتال بھیج دیا اور اس سلسلہ میں ایک معاملہ درج کرکے اس انتہائی اقدام کی وجوہات معلوم کرنے کی کوشش کررہی ہے۔