کوکٹ پلی میں فرنیچر کے شوروم لگی بھیانک آگ، قابو پانے کیلئے لگے کئی گھنٹے

حیدرآباد: شہر کے کوکٹ پلی علاقے میں واقع فرنیچر فیوژن شوروم میں جمعہ کی رات اچانک زبردست آگ بھڑک اٹھی، جس کے باعث علاقے میں خوف و ہراس پھیل گیا۔ آگ کے ساتھ اٹھنے والا گھنا دھواں دور دور تک دکھائی دیا۔

مقامی لوگوں نے شوروم سے آگ کے شعلے اور دھواں نکلتا دیکھ کر فوراً فائر بریگیڈ کو اطلاع دی۔ اطلاع ملتے ہی فائر بریگیڈ کی کئی گاڑیاں موقع پر پہنچیں اور کئی گھنٹوں کی مسلسل کوشش کے بعد آگ پر قابو پا لیا۔

خوش قسمتی سے اس واقعے میں کوئی جانی نقصان یا زخمی ہونے کی اطلاع نہیں ملی، کیونکہ آگ لگنے کے وقت شوروم بند تھا اور اندر کوئی موجود نہیں تھا۔

ابتدائی طور پر آگ لگنے کی وجہ معلوم نہیں ہو سکی ہے۔ پولیس اور متعلقہ حکام نے واقعے کی جانچ شروع کر دی ہے تاکہ آگ لگنے کی اصل وجہ کا پتہ چلایا جا سکے۔