ایکسائز پالیسی کیس: کویتا کو حاضر ہونے نیا سمن جاری

نئی دہلی: چیف منسٹر تلنگانہ کے چندر شیکھرراؤ کی دختر کویتا کو انفورسمنٹ ڈائرکٹوریٹ کی جانب سے 20مارچ کو حاضر ہونے کیلئے طلب کیا ہے۔

رکن کونسل جنہیں آج حاضر ہونا تھا حاضر نہیں ہوئیں اس لئے دہلی ایکسائز پالیسی اسکام میں حکام کی جانب سے انہیں دوبارہ طلب کیا گیا ہے۔

انفورسمنٹ ڈائرکٹوریٹ نے انہیں ایک اور سمن جاری کرتے ہوئے 20مارچ کوحاضر ہونے کیلئے کہا ہے کے کویتا نے کہا ہے کہ انہوں نے کبھی بھی دہلی کے سابق ڈپٹی چیف منسٹر منیش سسوڈیا سے ملاقات نہیں کی۔

جنہیں مذکورہ کیس کے سلسلہ میں سی بی آئی کی جانب سے گرفتار کیا گیا ہے۔

رکن کونسل کے کویتا نے ادعا کیا ہے کہ مذکورہ کیس میں غیر ضروری طور پر ان کا نام گھسیٹا جارہا ہے۔جبکہ ای ڈی کے حکام کا کہنا ہے کہ ایکسائز پالیسی کیس میں کویتا بھی ملوث ہے۔