گلے میں مونگ پھلی کا دانہ پھنس جانے پر دم گھٹنے سے دو سالہ لڑکی کی موت

حیدرآباد: گلے میں مونگ پھلی کا دانہ پھنس جانے کے نتیجہ میں دم گھٹنے سے دو سالہ لڑکی کی موت ہوگئی۔

یہ واقعہ آندھراپردیش کے سری ستیہ سائی ضلع میں پیش آیا۔

کرناٹک کے وسنت پور سے تعلق رکھنے والی نینا سری کے والد ہنومان اپنے ارکان خاندان کے خاندان کے افراد کے ساتھ سری ستیہ سائی ضلع کے نالہ چیروو منڈل میں رشتہ دار کے گھر آئے تھے۔

ان کی دو سالہ بیٹی مونگ پھلی کا دانہ کھانے کی کوشش کی۔ اسی دوران یہ دانہ اس کے حلق میں پھنس گیا۔

اس واقعہ کے ساتھ ہی لڑکی کو کدری کے ایک پرائیویٹ اسپتال منتقل کیاگیاجہاں کے ڈاکٹروں نے مشورہ دیا کہ اسے سرکاری اسپتال لے جایا جائے کیونکہ اس کی حالت تشویشناک ہے۔

سرکاری اسپتال کے ڈاکٹروں نے اس لڑکی کو معائنہ کے بعد مردہ قراردیااور کہا کہ دم گھٹنے سے لڑکی کی موت ہوئی ہے۔