سنجے سنگھ مانسون اجلاس کے بقیہ اجلاس کے لیے معطل، کارروائی دوپہر 2 بجے تک ملتوی

نئی دہلی: مانسون اجلاس شروع ہونے کے بعد سے راجیہ سبھا کا کام ٹھیک طریقے سے نہ ہونے کی وجہ سے عام آدمی پارٹی (آپ) کے رکن سنجے سنگھ کو پیر کو کارروائی میں خلل ڈالنے اور چیئرمین کی ہدایات پر عمل نہ کرنے کے الزام میں اجلاس کی بقیہ مدت کے لئے معطل کر دیا گیا اور اس کے ساتھ ہی ایوان کی کارروائی بھی دوپہر 2 بجے تک ملتوی کر دی گئی۔

اسپیکر جگدیپ دھنکھڑ نے وقفہ صفر کے ملتوی ہونے کے بعد جیسے ہی وقفہ سوالات شروع کرتے ہوئے کارروائی شروع کی، لیکن مسٹر سنجے سنگھ کے ساتھ کانگریس اور کچھ دیگر جماعتوں کے ارکان نے نعرے بازی شروع کردی اور مطالبہ کیا کہ وزیر اعظم نریندر مودی ایوان میں آئیں اور منی پور کے واقعات پر جواب دیں۔

اس دوران چیئرمین نے اراکین کو سوالات کرنے کے لیے بلایا تاہم متعلقہ وزرا کی جانب سے تینوں سوالات کے جوابات میز پر رکھے جانے کے بعد بھی سوال کرنے والے اراکین نے ضمنی سوالات نہیں پوچھے۔

اس کے بعد بھارتیہ جنتا پارٹی کے نیرج شیکھر کے سوالات کا جواب دیا گیا اور انہوں نے ضمنی سوالات بھی پوچھے۔

اس دوران ایوان کے لیڈر پیوش گوئل نے کہا کہ چیئرمین کی طرف سے بار بار ہدایات اور اس معاملے پر بحث کرنے کے اعلان کے باوجود اپوزیشن کے ارکان کارروائی میں رخنہ ڈال رہے ہیں۔

اس پر چیئرمین نے کہا کہ کیا کیا جانا چاہیے تو مسٹر گوئل نے مسٹر سنگھ کو بقیہ اجلاس کے لیے معطل کرنے کی تجویز پیش کی جسے صوتی ووٹ سے منظور کر لیا گیا۔

اس کے ساتھ ہی مسٹر دھنکھڑ نے مسٹر سنگھ کو معطل کرنے کا اعلان کیا اور ایوان کی کارروائی دوپہر 2 بجے تک ملتوی کر دی۔