تلنگانہ: اراضیات پر غیر مجاز قبضہ کرنے والے رئیل اسٹیٹ تاجروں کو ماونوازوں کا انتباہ

حیدرآباد: تلنگانہ کے ہنمکنڈہ ضلع میں ماونوازوں کے مکتوب سے سنسنی پھیل گئی۔

ذرائع کے مطابق اس مکتوب میں ماونوازوں نے اراضیات پر غیر مجاز قبضہ کرنے والے رئیل اسٹیٹ کے تاجروں کو سخت انتباہ دیا ہے۔

یہ مکتوب سوشل میڈیا کے مختلف پلیٹ فارمس پر تیزی کے ساتھ وائرل ہوگیا۔

جے ایم ڈبلیوپی ایم ڈیویثرن کمیٹی کے لیٹرہیڈ پر یہ مکتوب تحریر کیاگیا ہے۔

اس مکتوب کو کمیٹی کے جنرل سکریٹری وینکٹیش نے اپنی دستخط کے ساتھ جاری کیا ہے جس میں کہا گیا ہے کہ اراضیات پر غیر مجاز قبضہ کرنے والوں کے خلاف جدوجہد کرنے والے عوام کی وہ حمایت کرتے ہیں۔

اس مکتوب کے وائرل ہونے کے بعد پولیس اس مکتوب کے بارے میں معلومات حاصل کرنے کے لئے سرگرم ہوگئی ہے۔

دوسری طرف انٹلی جنس کے عہدیدار چوکس ہوگئے ہیں۔