تلنگانہ حج کمیٹی کے زیر ا لتواء تمام بلز کی منظوری: خسرو پاشاہ

حیدرآباد: مولانا سید شاہ غلام افضل بیابانی خسرو پاشاہ صدرنشین تلنگانہ اسٹیٹ حج کمیٹی نے اپنے صحافتی بیان میں کہا کہ حج کیمپ 2024 کے بلز جو ایک عرصہ سے زیرالتواء تھے، اس کے علاوہ تلنگانہ اسٹیٹ حج کمیٹی ملازمین کے تنخواہیں بھی ادا شدنی تھیں۔

محکمہ اقلیتی بہبود حکومت تلنگانہ نے تمام زیر التواء بلز اور ملازمین کی تنخواہوں کو منظوری دے دی ہے جس سے حج کمیٹی کے تمام ملازمین میں خوشی کی لہردوڑ گئی چونکہ عید عنقریب ہے۔

مولانا سید شاہ خسرو پاشاہ نے ان عوامی نمائندوں کا بھی شکریہ ادا کیا جنہوں نے زیر دوران اسمبلی کے بجٹ سیشن میں ان مسائل کی آواز ٹھائی تھی۔

حج کمیٹی کے ملازمین نے مولانا خسرو پاشاہ، سجاد علی ایگزیکٹیو آفیسر نے جناب تفسیر اقبال اسپیشل سکریٹری محکمہ اقلیتی بہبود کا شکریہ ادا کیا۔