آنند مہندرا، اسکل یونیورسٹی کے چیرپرسن ہوں گے
مہندرا گروپ کے صدرنشین آنند مہندرا توقع ہے کہ اندرون 2 یوم ینگ انڈیا اسکل یونیورسٹی تلنگانہ کے چیرپرسن کے طور پر جائزہ حاصل کریں گے۔
![آنند مہندرا، اسکل یونیورسٹی کے چیرپرسن ہوں گے](https://urdu.munsifdaily.com/wp-content/uploads/2024/08/Anand-Mahindra.jpg)
حیدر آباد: مہندرا گروپ کے صدرنشین آنند مہندرا توقع ہے کہ اندرون 2 یوم ینگ انڈیا اسکل یونیورسٹی تلنگانہ کے چیرپرسن کے طور پر جائزہ حاصل کریں گے۔
چیف منسٹر اے ریونت ریڈی نے امریکہ میں ایک اجلاس کے دوران یہ بات کہی۔ صنعت کاروں کو ریاست تلنگانہ میں سرمایہ کاری کرنے کی ترغیب دینے کے حصہ کے طور پر چیف منسٹر‘ امریکہ کے دورہ پر ہیں۔
تلنگانہ نے مہارتوں کو فروغ دینے کے لئے یونیورسٹی آف اسکل قائم کیا ہے اور یہ پی پی پی طریقہ کے تحت ہنر مندوں میں مہارتوں کو فروغ دے گی۔ چیف منسٹر نے کہا کہ انہوں نے آنند مہندرا سے خواہش کررہے ہیں کہ وہ اس یونیورسٹی کے چیرپرسن کے عہدہ پر فائز ہوجائیں۔
توقع ہے کہ آنند مہندرا‘ اندرون 2 یوم یونیورسٹی کے چیرپرسن کے عہدہ کا جائزہ حاصل کرلیں گے۔
چیف منسٹر اے ریونت ریڈی نے یہ بات کہی۔ حکومت تلنگانہ نے یکم /اگست کو اسمبلی میں پی پی پی ماڈل کے تحت ریاست میں اسکل یونیورسٹی کے قیام کا بل پیش کیا تھا جسے بہ اتفاق آرا منظور کرلیا گیا۔
دوسرے دن 2 / اگست کو آنند مہندرا نے چیف منسٹر ریونت ریڈی سے ان کی قیام گاہ جوبلی ہلز میں خیر سگالی ملاقات کی تھی۔ چیف منسٹر نے مہندرا گروپ سے ریاست میں سرمایہ کاری کی بابت اور دیگر موضوعات پر تبادلہ خیال کیا تھا۔ اس دوران آنند مہندرا نے اسکل یونیورسٹی میں آٹو موٹیو ڈپارٹمنٹ قائم کرنے پر رضامندی ظاہر کی تھی۔