آندھراپردیش کی وزیر سیاحت روجا خرابی صحت پر اسپتال میں داخل

حیدرآباد: آندھراپردیش کی وزیرسیاحت روجا کی صحت خراب ہوگئی۔وہ فی الحال چینئی کے اپولو اسپتال میں زیرعلاج ہیں۔پیر میں شدید تکلیف پر وہ گذشتہ ایک ہفتہ سے فزیوتھراپی کروارہی تھیں تاہم ان کو درد سے کوئی افاقہ نہیں ہوا جس پر ان کو اسپتال میں داخل کروایاگیا۔

پیر میں تکلیف ہونے کے سبب وہ گذشتہ دس دنوں سے اپنے حلقہ نگری میں مختلف پروگراموں اورسرگرمیوں سے دورتھیں۔حکمران جماعت وائی ایس آرکانگریس کے ذرائع نے یہ بات بتائی۔ڈاکٹرس کے مطابق روجا کی صحت مستحکم ہے۔