اے پی: سیاسی لیڈروں کو سنگباری سے بچانے انوکھے ہیلمٹس، تصاویر سوشیل میڈیا پر وائرل

حیدرآباد: آندھراپردیش میں اسمبلی اور لوک سبھا انتخابات کی مہم تیزی کے ساتھ جاری ہے۔

ریاست کی حکمران جماعت وائی ایس آرکانگریس، اصل اپوزیشن تلگودیشم اپنی مہم میں شدت پیدا کئے ہوئے ہیں۔

اسی دوران وزیراعلی وائی ایس جگن موہن ریڈی اور اپوزیشن لیڈر چندرا بابو نائیڈو پر سنگباری کے واقعات کے پیش نظر سوشیل میڈیا پر ان جماعتوں کے انتخابی نشانات سے مشابہ ہیلمٹس کی تصاویر تیزی کے ساتھ وائرل ہورہی ہیں۔

انٹرنیٹ استعمال کرنے والے افراد نے اس طرح کی انوکھی ہیلمٹس کی تصاویر کو تیار کیا ہے اور ان کی تصاویر کو وائرل کرتے ہوئے ان جماعتوں کے لیڈروں کو مشورہ دیا ہے کہ وہ اپنی انتخابی مہم کے دوران سنگباری کے واقعات کو روکنے ان انوکھی ہیلمٹس کا استعمال کریں۔