کم آمدنی والے افراد کیلئے اندراماں مکانات کی درخواستوں کا آغاز، پہلے ہی دن کلکٹریٹ میں بڑی بھیڑ

حیدرآباد: کیور علاقہ میں کم آمدنی والے مکانات کے لیے درخواستیں قبول کرنے کا عمل آج سے شروع ہو گیا ہے۔ پہلے دن، غریبوں نے بڑی تعداد میں درخواستیں جمع کرانے کے لیے حیدرآباد کلکٹریٹ میں قطاریں لگائیں۔

اس کے ساتھ ہی کلکٹریٹ کا پورا احاطہ درخواست گزاروں سے بھر گیا۔ عہدیداروں نے کہا کہ استفادہ کنندہ می سیوا کیندر کے ذریعہ اپنے اسمبلی حلقہ میں درخواست دے سکتا ہے۔ 10 اگست کو درخواستوں کی آخری تاریخ بتائی گئی تھی۔

شرط یہ رکھی گئی ہے کہ درخواست گدار کم از کم دس سال تک کیور میں مقیم رہے۔ وہ لوگ جن کے پاس اپنا گھر، فلیٹ یا پلاٹ نہیں ہے.. جنہوں نے ماضی میں کوئی ہاؤزنگ اسکیم کا فائدہ حاصل نہیں کیا ہے وہ اس اسکیم کے اہل ہیں۔ عہدیداروں نے مشورہ دیا کہ وہ جس حلقے میں رہتے ہیں وہاں درخواست دیں۔

ریاستی حکومت نے رواں مالی سال میں کیور میں ایک لاکھ مکانات کی تعمیر کا ہدف رکھا ہے۔ 16 حلقوں میں 7,680 مکانات، ہر ایک حلقوں میں 480، مکانات کی تعمیر شروع کی گئی ہے جس کے لیے مقامات کی نشاندہی کی گئی ہے۔ و

زیر مال پی سری نواس ریڈی نے اعلان کیا کہ جلد ہی دیگر حلقوں میں مقامات کی نشاندہی کی جائے گی اور وہاں اندراماں مکانات تعمیر کیے جائیں گے۔ اگرچہ سرکاری سبسڈی 5 لاکھ ہے، حکومت نے فیصلہ کیا ہے کہ مستفید ہونے والوں کا حصہ 6 لاکھ روپئے ہوگا۔

منتخب استعفادہ کنندوں کو الاٹمنٹ کے وقت ایک لاکھ روپئے ، آر سی سی کی تعمیر کے دوران 2 لاکھ روپئے، تکمیل کے مرحلے پر 2 لاکھ روپئے، اور باقی رقم حوالگی کے وقت ادا کرنی ہوگی۔