مندر میں چوری کی کوشش، ہاتھ ہنڈی میں پھنس گیا۔ چور گرفتار(ویڈیو)

حیدرآباد: مندر میں چوری کی کوشش کے دوران چور کا ہاتھ رقم ڈالنے کیلئے رکھی گئی ہنڈی میں پھنس گیا جس کے نتیجہ میں یہ چور پکڑاگیا۔یہ انوکھاواقعہ تلنگانہ کے ضلع کاماریڈی میں پیش آیا۔

تفصیلات کے مطابق ضلع کے رامیشورپلی میں مندر میں چور ی کی غرض سے چور رات میں داخل ہوا۔اس نے وہاں رکھی رقم کی ہنڈی میں چوری کی نیت سے ہاتھ ڈالاتاہم اس کا ہاتھ ہنڈی میں بُری طرح پھنس گیا۔

ہنڈی سے ہاتھ کو نکالنے کی اس کی کوشش رائیگاں ثابت ہوئی اور چور اسی حالت میں رات بھر مندرمیں رہنے کیلئے مجبور رہااورجب صبح مندر کے پجاری نے مندر کا دروازہ کھولاتوچور کو دیکھ کر اس پجاری نے گاوں والوں کو اس بات کی اطلاع دی۔

 جس کے بعد مقامی افراد نے کافی کوششوں سے اس کے ہاتھ کو ہنڈی سے نکالا اوربعد ازاں اس واقعہ کی پولیس کو اطلاع دی۔پولیس نے سریش نامی اس چور کو حراست میں لے لیا۔