ٹرین کے سامنے کود کرشوہر اوربیوی کی خودکشی

حیدرآباد: ٹرین کے سامنے کود کر نوجوان جوڑے نے الگ الگ خودکشی کرلی۔ یہ واقعہ اے پی کے اننت پور ضلع کے تاڑی پتری علاقہ میں پیش آیا۔

پیر کو بیوی نے ٹرین کے سامنے کود کرخودکشی کرلی تو منگل کو شوہر نے بھی اسی طرح ٹرین کے سامنے کود کرخودکشی کرلی۔

ریلوے پولیس اور دونوں کے رشتہ داروں کے مطابق، چنناپولامڈو کے 26 سالہ منجوناتھ اور گاوگ چنتا لاپلی کی24سالہ رم دیوی ایک دوسرے سے محبت کرتے تھے۔

6 ماہ قبل ان کے ارکان خاندان کی رضامندی سے ان کی شادی ہوگئی۔رمادیوی نے پیر کی شام تاڑی پتری کے قریب تلواری پلی میں ٹرین کے سامنے کود کرخودکشی کرلی۔

اس کے والدین نے ریلوے پولیس سے شکایت کی کہ ان کی بیٹی کی موت جہیز کے لیے ہراسانی کی وجہ سے ہوئی ہے۔ اس پر مایوسی کے عالم میں منجوناتھ نے منگل کی صبح تاڑی پتری میں ٹرین کے سامنے کود کرخودکشی کرلی۔