بنڈی سنجے کی گرفتاری، مرکزی وزیر کشن ریڈی ڈی جی پی انجنی کمار پر برہم

حیدرآباد: مرکزی وزیر سیاحت وسینئر بی جے پی لیڈر کشن ریڈی نے بی جے پی کے تلنگانہ صدر بنڈی سنجے کی گرفتاری کی وجوہات بتانے کا مطالبہ کیا اور اس سلسلہ میں تلنگانہ کے ڈی جی پی انجنی کمار کو فون کیا۔ انہوں نے سوال کیا کہ پولیس بغیر وجہ بتائے سنجے کو کیسے گرفتار کرسکتی ہے۔

ڈی جی پی نے جواب دیتے ہوئے کہا کہ کیس کی تفصیلات کچھ دیر بعد سامنے آئیں گی۔ کشن ریڈی نے ڈی جی پی پر برہمی کا اظہار کیا جس پر کشن ریڈی نے شدید برہمی کااظہار کرتے ہوئے کہا کہ بنڈی سنجے کی گرفتاری کے مسئلہ پر اتنا ہنگامہ ہونے کے باوجود کیا یہ نہیں معلوم کہ انہیں کس کیس میں گرفتار کیا گیا؟

 یہ تلنگانہ میں پولیس نظام کے کام کاج کا ثبوت ہے۔ کشن ریڈی نے برہمی کا اظہار کرتے ہوئے کہا کہ اس معاملہ میں ڈی جی پی جس طرح سے کام کر رہے ہیں وہ افسوس ناک ہے۔اسی دوران اس مسئلہ پر ریاست بھر میں احتجاج اور مظاہرے جاری ہیں۔